Sleep & Dream Textile წარმოადგენს ტექსტილის ჰოლანდიურ ბრენდს. აწარმოებს პრემიუმ ხარისხის ბალიშებსა და საბნებს.

პროდუქცია მზადდება მაღალი ხარისხის ეკოლოგიურად სუფთა ბუნებრივი მასალებისგან, დაცულია უსაფრთხოების სტანდარტი წარმოების ყველა ეტაპზე, რასაც ადასტურებს საერთაშორისო სავაჭრო ნიშნის Oeko-Tex Standard 100 - ის სერტიფიკატი.

წარმოების პროცესში გამოიყენება უახლესი ტექნოლოგიები, ხოლო პროდუქცია გამოირჩევა დახვეწილი და მინიმალისტური დიზაინით.

პროდუქცია

ამ ეტაპზე Sleep & Dream Textile - საქართველოს ბაზარზე გასაყიდად წარმოდგენილი აქვს პროდუქციის 2 ხაზი: ბალიშები და საბნები.

ბალიშები

3 სხვადასხვა სახის ბალიში მიეკუთვნება ბამბუკის სერიის ბალიშების ხაზს. მათი შიგთავსი შედგება ეკოლოგიურად სუფთა ბამბუკის მასალისა და მაღალი ხარისხის სინტეფონისგან. ბალიშს აქვს ანტიალერგიული და ანტიბაქტერიული თვისებები. ზედაპირის ქსოვილი სუნთქავს და გამოირჩევა მაღალი ჰაერგამტარობით. ზაფხულის ცხელ ტემპერატურაზე ქსოვილი არ ხურდება. ბალიშის შემადგენლობაში შემავალი მასალა არ შეიცავს ტოქსიკურ ნივთიერებებს და დამზადებულია უსაფრთხოების ყველა სტანდარტის დაცვით.

ბალიშები სტანდარტული ზომისაა 50*70 სმ, ატლასის ბრენდირებული ეტიკეტით, მოჰყვება კომფორტული ჩანთა და პრაქტიკულია გადასაადგილებლად.

საბნები

ბამბუკის სერიის ხაზის საბნები წარმოდგენილია 4 განსხვავებულ მოდელში. ერთსაწოლიანი და ორსაწოლიანი მოდელები განსხვავდება ბამბის, ბამბუკისა და მაღალი ხარისხის სინტეფონის მასალების შემადგენლობით.

საბნის ეკოლოგიურად სუფთა, ანტიბაქტერიული და ანტიალერგიული თვისებები ხელს უწყობს სხეულის ტემპერატურის ოპტიმალურ რეგულირებასა და მშვიდ ძილს.