სამომხმარებლო ხელშეკრულება

კომპანიის დასახელება: შპს „ლილო პროდუქტ სერვისი’’ (ს/კ 406188860)

მის: თბილისი, კახეთის გზატკეცილი N112

ელ. ფოსტა: sales@liloshop.ge

ტელ: (032) 2-022-002

ვებ–გვერდი: https://www.liloshop.ge/

მუხლი 1: ზოგადი პირობები

1.1. თითოეული პროდუქტის, რომელიც „ლილოშოპ.ჯი“-ს ვებ–გვერდით რეალიზდება, მითითებული ფასი წარმოადგენს მისი რეალიზების ფასს.

1.2. პროდუქტთან დაკავშირებულ ინორმაციას მომხმარებელი იღებს „ლილოშოპ.ჯი“-ს ვებ–გვერდის მეშვეობით, საქონლის აღწერაში მითითებული დეტალებით.

1.3. პროდუქტის შეძენისას მხარეთა შორის ანგარიშსწორება შესაძლოა განხორციელდეს როგორც უნდაღდო (საიტზევე შეკვეთის განხორციელების თანავე), ისე ნაღდი ანგარიშსწორების გზით (კურიერთან გადახდით).

1.4. გადახდისას ტრანზაქციის განხორციელება შესაძლებელია ვიზა (VISA), მასტერქარდი (Mastercard) ამერიკნ ექსპრესის (American Express) მეშვეობით.

1.5. პროდუქციის შეძენა განვადებით შესაძლებელია ვებ–გვერდზე მითითებული საბანკო სერვისების მეშვეობით მხოლოდ იმ ნივთებზე რომლებსაც მითითებული აქვს, რომ ვრცელდება განვადება.

1.6. პროდუქციის ჩაბარებამდე მომხმარებელი ვალდებულია დაათვალიეროს პროდუქციის ვიზუალური მხარე და დაადასტუროს მისი მთლიანობა და ის ფაქტი, რომ საქონელს არ გააჩნია ვიზუალური დეფექტი/წუნი.

1.7. შეძენილი ნივთის მიწოდება ხორციელდება მომხმარებლის მიერ შეკვეთის საიტზე განთავსების დროს მითითებულ მისამართზე. ნივთის სპეციფიკიდან გამომდინარე, საიტზე მითითებული საკურიერო კომპანია განსაზღვრავს და უთითებს მიტანაში შედის თუ არა ნივთის ჩამოტვირთვა ან სართულზე ატანა.

მუხლი 2: ვებ–გვერდზე განთავსებული შეკვეთა

2.1. „ლილოშოპ.ჯი“-ს ოფიციალურ ვებ–გვერდს წარმოადგენს https://www.liloshop.ge/ და აქ განთავსებული საქონლის რეალიზება ხდება დისტანციური ხელშეკრულების საფუძველზე. აღნიშნული გულისხმობს შემდეგს: მომხმარებელი პირველ რიგში გადის რეგისტრაციას ზემოთ მითითებულ ვებ–გვერდზე ან გადის ავტორიზაციას (იმ შემტხვევაში, თუ უკვე დარეგისტრირებულია საიტზე) განათავსებს შეკვეთას, რის შემდგომაც წარმოეშობა გადახდის ვალდებულება.

2.2. დისტანციური ხელშკრულების დადებისას / ნივთის შეძენისას მომხმარებელი ადასტურებს მომხმარებელი თანხმობას განაცხადებს პროდუქტის შეძენასთან დაკავშირებულ წესებსა და პირობებს, იმ გარანტიის პირობებს, რომელიც ვრცელდება პროდუქტზე (ამ ჩანაწერში იგულისხმება კანონისმიერი გარანტიის პირობებზე დათანხმეაბა – ნივთის შეცვლა/შეკეთება, ფასის ნაკლის პროპორციულად შემცირება ან ხელშეკრულებიდან გასვლა.).

2.3. ნივთის განვადებით შეძენა შესაძლებელია ვებ–გვერდზე მითითებული საბანკო სერვისების მეშვეობით მხოლოდ იმ ნივთებზე რომლებსაც მითითებული აქვს, რომ ვრცელდება განვადება.

მუხლი 3: ნივთის მიწოდება

3.1. ნივთის მიწოდება თბილისის მასშტაბით ხორციელდება 2–3 სამუშაო დღეში, ხოლო რეგიონებში, 3–5 სამუშაო დღეში.

3.2. მიწოდება ხორციელდება მომხმარებლის მიერ მითითებულ მისამართზე.

3.3. მიწოდების საფასურს მომხმარებელი იხდის შეკვეთის გაფორმებისთანავე წინასწარ უნაღდო ანგარიშსწორების გზით ან კურიერთან ნივთის საფასურთან ერთად.

3.4. მიწოდება ხდება ორშაბათიდან პარასკევის ჩათვლით 09:00 საათიდან 19:00 საათამდე პერიოდში, გარდა საქართველოს კანონმდებლობით გათვალისწინებული უქმე დღეებისა.

3.5. თუ ნივთის მიტანისას კურიერს ადგილზე არ დახვდა მომხმარებელი, ამ შემთხვევაში საქონლის განმეორებითი მიწოდება ანაზღაურდება ხელახლა.

3.6. მომხმარებლის მიერ არასწორი ან არასრული საკონტაქტო ინფორმაციისა და მისამართის მითითების შემთხვევაში, ნივთის შეფერხებაზე პასუხისმგებელია მომხმარებელი.

3.7. 3.6–ში მოყვანილი შემთხვევის დადგომისას მომხმარებელმა უნდა დააზუსტოს მისამართი და ნივთის განმეორებით მიტანისთვის ასევე ხელახლა უნდა გადაიხადოს მიწოდების საფასური.

3.8. თბილისის მასშტაბით 50 ლარზე მეტი ღირებულების შეკვეთის განხორციელებისას, მიტანა უფასოა. აღნიშნული პირობა არ ვრცელდება რეგიონებში მიწოდებაზე.

3.9. მიწოდების ღირებულება თბილისში შეადგენს 5 ლარს, ხოლო რეგიონებში 9 ლარს.

3.10. იმ შემთხვევაში, თუ მომხმარებელი დროულად ვერ მიიღებს ნივთს, იგი უფლებამოსილია https://www.liloshop.ge/–ს განუსაზღვროს დამატებით გონივრული ვადა ნივთის მიწოდებისთვის, რომელიც უკვე განსაზღვრულ ვადასთან ერთად არ უნდა აღემატებოდეს  30 კალენდრულ დღეს. ზემოაღნიშნული ვადის უშედეგოდ გასვლის შემთხვევაში, მომხმარებელი უფლებამოსილია უარი თქვას ხელშეკრულებაზე.

მუხლი 4: კანონისმიერი გარანტია

4.1. თუ საქონელი აღმოჩნდება ნაკლის მქონე, 2 წლის განმავლობაში ნივთის მფლობელობაში მიღებიდან, მომხმარებელს შეულძია https://www.liloshop.ge/–ის მოსთხოვოს, ნივთის შეცვლა/შეკეთება, ფასის ნაკლის პროპორციულად შემცირება ან ხელშეკრულებიდან გასვლა.

4.2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, „ლილოშოპ.ჯი“-ს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს..

4.3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

4.4. საქონლის უსასყიდლოდ შეკეთება ან შეცვლა გულისხმობს „ლილოშოპ.ჯი“-ს მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

4.5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) ამ მუხლის მე-3 პუნქტის შესაბამისად საქონლის შეკეთება ან შეცვლა შეუძლებელია;

ბ) „ლილოშოპ.ჯი“-მ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) „ლილოშოპ.ჯი“-ს მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

4.6. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

4.7. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

4.8. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი „ლილოშოპ.ჯი“-ს  ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

4.9. გარანტიის პირობები მხოლოდ იმ მომხმარებლებზე ვრცელდება, რომლებიც „ლილოშოპ.ჯი“-სთან წარმოადგენენ ნივთის შესყიდვის დამადასტურებელ დოკუმენტს.

4.10. თუ ნივთი ნაკლის მქონე აღმოჩნდა, მომხმარებელს შეუძლია მიმართოს  https://www.liloshop.ge/–ის ამ დოკუმენტის დასაწყისში მითითებულ ნომერზე.

4.11. პროდუქტის შეცვლა/დაბრუნება შესაძლებელია ამანათის მიღებიდან 14 კალენდრული დღის განმავლობაში.

4.12. დასაბუთებული პრეტენზიის შემთხვევაში, მომხმარებელი ვალდებულია 5 (ხუთი) სამუშაო დღის განმავლობაში გაუგზავნოს „ლილოშოპ.ჯი“-ს შეძენილი ნივთი დოკუმენტის დასაწყისში მითითებულ მისამართზე.

მუხლი 5: კანონისმიერი გარანტიის მოქმედების გამომრიცხველი გარემოებები, რომლებზეც არ ვრცელდება იგი

5.1. კანონისმიერი გარანტია არ მოქმედებს;

5.1.1. თუ გასულია საგარანტიო 2 წლიანი ვადა;

5.1.2 ნაკლი გამოწვეულია მექანიკური ხარვეზითა და დაზიანებით;

5.1.3 არასწორი შენახვით გამოწვეულ დაზიანებაზე;

5.1.4 ნივთის ნაკლოვანება უკავშირდება მის ბუნებრივ ცვეთას.

მუხლი 6: საქონლის უპირობოდ უკან დაბრუნების პოლიტიკა

6.1. მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება:

ა) მომსახურების ხელშეკრულების შემთხვევაში − ხელშეკრულების დადებიდან;

ბ) ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;

გ) მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;

დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

6.2. ხელშეკრულებაზე უარის თქმის შემთხვევაში მომხმარებელი ვალდებულია:

ა) „ლილოშოპ.ჯი“-ს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდრული დღისა;

ბ) გასწიოს საქონლის დაბრუნებასთან დაკავშირებული ყველა ხარჯი.

6.3. მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად.

6.4. „ლილოშოპ.ჯი“ ვალდებულია ნივთის უკან დაბრუნების შეტყობინების მიღებიდან 14 კალენდრული დღის განმავლობაში უკან დააბრუნოს „ლილოშოპ.ჯი“-ს მიერ გადახდილი თანხა. „ლილოშოპ.ჯი“-ს უფლება აქვს, უარი თქვას თანხის დაბრუნებაზე მანამ სანამ ნივთს არ დაიბრუნებს მომხმარებლისგან (ან მანამ სანამ არ მიიღებს საქონლის გაგზავნის დამადასტურებელ დოკუმენტს).

6.5. თანხის ანაზღაურება ხორციელდება იმავე საშუალებით, რომლითაც განხორციელდა თავდაპირველი გადახდა.

6.6. დისტანციურად დადებული ხელშეკრულებაზე უარის თქმისას მხარეები უბრუნდებიან პირვანდელ მდგომარეობას.

6.7. მომხმარებელი ვალდებულია „ლილოშოპ.ჯი“-ს გაუგზავნოს ის შევსებული უკან დაბრუნების ფორმა, რომელიც განთავსებულია https://www.liloshop.ge/–ზე.

მუხლი 7: ხელშეკრულებაზე უპირობოდ უარის თქმის გამომრიცხველი გარემოებები

7.1. მომხმარებელს არ აქვს უფლება უპირობოდ უარი თქვას ხელშეკრულებაზე, თუ:

• „ლილოშოპ.ჯი“-მ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
• ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც „ლილოშოპ.ჯი“ ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;
  
• მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
  
• მიწოდებული საქონელი მალფუჭებადია ან მას მოკლე ვარგისობის ვადა აქვს;
  
• მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
  
• მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
  
• მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
  

7.2. პროდუქტების ჩამონათვალი, რომელთა. უპირობო უკან დაბრუნებაც შეუძლებელია:

• ჰიგიენის საშუალებები;
• პირის ღრუს ჰიგიენის საშუალებები;
• თვალის ლინზები;
• ბავშვის მოვლის საშუალებები;
  
• კოსმეტიკური საშუალებები;
  
• კბილის ჯაგრისი,თმის ჯაგრისი,თმის სახვევი,პარიკი, ნებისმიერი მეტრაჟით ნაყიდი საქონელი, ( მაგ: საოჯახო ტექსტილი, კაბელი, ლინოლიუმი, და სხვა მსგავსი საქონელი, რომელიც იყიდება მეტრაჟით);
  
• თეთრეული (ტრუსი,წინდა,საცურაო კოსტიუმი...);
• საყოფაცხოვრებო ქიმია;
  

მუხლი 7: ხელშეკრულებაზე უპირობოდ უარის თქმის გამომრიცხველი გარემოებები

8.1. გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაღუპვის ან გაფუჭების რისკი, თუ მხარეები სხვა რამეზე არ შეთანხმდებიან.

8.2. თუ ხელშეკრულებით გათვალისწინებულია საქონლის მომხმარებლისთვის გაგზავნა, იმ მომენტიდან, როდესაც მომხმარებელი ან მის მიერ უფლებამოსილი მესამე პირი (გარდა გადამზიდავისა) საქონელზე ფაქტობრივ მფლობელობას მოიპოვებს, საქონლის შემთხვევით დაღუპვის ან გაფუჭების რისკი მომხმარებელზე გადადის.

8.3. თუ გაყიდულ საქონელს მომხმარებლის დავალებით გადამზიდავი აგზავნის, საქონლის გადამზიდავისთვის მიწოდების მომენტიდან საქონლის შემთხვევით დაღუპვის ან გაფუჭების რისკი მომხმარებელზე გადადის.

აღნიშნული დოკუმენტი შედგენილია საქართველოს კანონი „მომხმარებლის უფლებების. დაცვის შესახებ“–ის შესაბამისად და უზრუნველყოფს https://www.liloshop.ge/–ის მიერ მომხმარებელთა უფლებების დაცვას საქართველოს კანონმდებლობის შესაბამისად და მის ფარგლებში.