რატომ უნდა მივირთვათ ჩირი?

ჩირი ვიტამინებით სავსე პროდუქტია. კალცი, ნატრიუმი, მაგნიუმი, რკინა, ფოსფორი, A და B ვიტამინები შეგიძლიათ სწორედ მისი საშუალებით მიიღოთ. ჩირი საუკეთესო ბუნებრივი პროდუქტია სხვადასხვა დაავადების სამკურნალოდ. უებარი წამალია გულის, მაღალი წნევისა და კუჭ-ნაწლავის პრობლემის მქონე ადამიანებისათვის. ხილის ჩირი აგრეთვე დაგემხარებათ შემდეგი პრობლემების მოგვარებაში: თირკმელების, რევმატიზმის, ღვიძლისა და ათეროსკლეროზის დროს.

ზოგადად, ხილის გამოშრობის რამდენიმე წესი არსებობს: სპეციალური აპარატით, მზეზე ან ქიმიური დამუშავების დროს. სამწუხაროდ, სუპერმარკეტებში უმთავრესად სწორედ, ქიმიურად დამუშავებული ჩირი იყიდება. არც ქუჩაში, ღია ცის ქვეშ არსებული ჩირის შეძენაა რეკომენდებული, რომელიც სახლის პირობებში მზეზე გამოაშრეს, ვინაიდან ვერავინ გეტყვით რამდენად ჯანსაღი ხილისგანაა დამზადებული, დაიცვეს თუ არა სისუფთავის ნორმები ხილის გამოშრობისას. პლუს ამას, გარეთ ნაყიდი ხილი მტვრის გამო ბინძურდება და არც მწერებისგანაა დაცული.

თუ გვსურს, ჩირის მთელი რიგი დადებითი თვისებებით ვისარგებლოთ, აუცილებლად სახლის პირობებში უნდა მოვამზადოთ. ამისათვის სულაც არაა საჭირო მუდამ მზიანი ამინდი ან დიდი ეზო. ხილის საშრობი აპარატით ნებისმიერ სეზონზე:ზამთარსა თუ ზაფხულში შეძლებთ გემრიელი პოდუქტის მომზადებას. ამასთანავე, სულ რამდენიმე საათი იქნება საჭირო გამომშრალი ხილის მოსამზადებლად.

ჩირის მოსამზადებელი აპარატის მძლავრი ძრავი უზრუნველყოფს ჰაერის თანაბარ ცირკულაციას.ტემპერატურის რეგულირება 30-დან 70 გრადუსამდეა შესაძლებელი. შედეგად, მიიღებთ ჯანსაღ, უგემრიელეს ჩირს,რომლითაც ნებისმიერი ნუგბარის ჩანაცვლებასაც შეძლებთ.

თუ ჩირის აპარატის შეძენას გადაწყვეტთ აუცილებლად გაეცანით ქვემოთ მოცემულ რჩევებს:

ტევადობა - ხილისა და ბოსტნეულის საშრობს შესაძლოა ჰქონდეს 3-დან 8 -მდე „სართული“. თუ დიდი ოდენობით პროდუქტის გამოშრობას გეგმავთ უპირატესობა მრავალსართულიან აპარატს მიანიჭეთ.

სიმძლავრე - ოპტიმალური სიმძლავრე მერყეობს 250-650 ვატამდე.

ავტომატური ჩართვა/გამორთვის ფუნქცია- ძაბვის ცვლილებებისა და აპარატის გადახურების შემთხვევებში დაზღვეული იქნებით იმისგან,რომ მოწყობილობა არ გადაიწვება.

კორპუსის ტიპი - არსებობს მეტალისა და პლასტმასის კორპუსები. პლასტმასის კორპუსის მქონე აპარატი ძალიან კომფორტულია მოსახმარებლად. მსუბუქია გადასაადგილებლად და უფრო უსაფრთხო, ვიდრე მეტალის კორპუსი, რადგან მეტალის კორპუსი გაშრობის შემთხვევაში, შესაძლოა, გადახურდეს.