5 სათამაშო, რომლითაც ბავშვმა ზაფხულში უცილებლად უნდა ითამაშოს

ზაფხული საუკეთესო სეზონია თქვენი შვილის ფიზიკური განვითარებისთვის. ეს პერიოდი განსაკუთრებით ხელსაყრელია მათი სიმაღლის ზრდისთვის, სენსო-მოტორული და კოგნიტური უნარების განვითრებისთვის. ამ უკანასკნელის ნათელი მაგალითია თუნდაც ის, რომ ბავშვები ყველაზე მეტს სწორედ ,რომ თამაშით სწავლობენ.

იმისათვის, რომ ზემოთ ჩამოთვლილი უნარების განვითარებაში შეუწყოთ ხელი თქვენს შვილს აუცილებლად სწორად უნდა შეურჩიოთ სათამაშო.

ბურთი - ,,ჯანსაღ სხეულში ჯანსაღი სულია“– ეს გამოთქმა ჯერ კიდევ ათეული წლის წინ გახდა აქტუალური და პოპულარობას დღემდე ინარჩუნებს. ეს იმიტომ, რომ ჯანმრთელობა ადამიანისთვის ნომერ პირველი მოცემულობაა, განსაკუთრებით მაშინ,როცა ბავშვებზე ვსაუბრობთ. სპორტული აქტივობები მნიშვნელოვანია ბავშვის ფიზიკური აღზრდისთვის, რადგან მის ჰარმონიულ განვითარებასა და ჯანმრთელობას უწყობს ხელს. ამასთანავე, მათ ბიძგს აძლევთ სპორტით და ჯანსაღი ცხოვრების წესით დაინტერესებაში. ბურთი კი ამ ყოველივეს შესასრულებლად საუკეთესო საშუალებაა.

აუზი - მნიშვნელოვანია, რომ ბავშვი ადრეული პერიოდიდანვე შეჩვეული იყოს წყალთან კონტაქტს, რათა წყლის შიში დაძლიოს და მომავალში მარტივად შეძლოს ცურვა. ამის მისაღწევად კი საბავშვო გასაბერი აუზი საუკეთესო საშუალებაა. ის აგრეთვე თქვენი შვილის სიმაღლეში ზრდას, იმუნური სისტემის გაუმჯობესებასაც შეუწყობს ხელს.

თქვენი პატარა ზაფხულის ცხელ დღეებს გრილად გაატარებს და მისი კანიც დაცული იქნება გამოშრობისგან, სხეული ტენიანობას შეინარჩუნებს.

ქვიშის სათამაშოები - თუ დასვენებას ზღვაზე გადაწყვეტთ თქვენი შვილისთვის მთავარი ატრიბუტის - ქვიშის სათამაშო კომპლექტის წაღება არ დაგავიწყდეთ. როგორც ბავშვთა პედიატრიის მსოფლიო ცენტრი (GFDA ) მიიჩნევს, ქვიშაში თამაში აუცილებელია ბავშვის განმავითარებელ-მასტიმულირებელ აქტივობად, რადგან თვალისა და ხელის კოორდინაციაში ეხმარებათ.

თქვენს პატარა თავგადასავლების მოყვარულ არქეოლოგებს თამაშით წარმოსახვის უნარიც ინტენსიურად განუვითარდებათ.

გარდა ამისა, ქვიშაში თამაში ხელს უწყობს ნეგატიური ემოციების განდევნასა და შფოთვის დონის შემცირებას. შესაბამისად, ამ ტიპის აქტივობები დაგეხმარებათ თქვენი შვილის ჯანსაღი ფსიქიკის ჩამოყალიბების საქმეშიც.

საქანელა - ზაფხულის ცხელ დღეებში გაგრილება არამხოლოდ ზრდასრულთა მთავარი ამოცანა, არამედ ბავშვების მთავარი გამოწვევაც გახლავთ. მოგეხსენებათ, ზაფხულობით 3 წლის ასაკიდან ზემოთ მოზარდებს კიდევ უფრო მოჭარბებული ენერგია აქვთ და აუცილებელია, დღის განმავლობაში მათ ამ ენერგიის დახარჯვაში დავეხმაროთ. საქანელა კი იდეალური არჩევანია მათთვის, რადგან ერთი მხრივ, სასიამოვნო აქტივობით დაკავდებიან, მეორე მხრივ, კი გრილ ატმოსფეროში რჩებიან.

მექანიკური მანქანები/ველოსიპედები - მოზარდის ხერხემლის, ზედა და ქვედა კიდურების განვითარებისათვის მექანიკური მანქანები საუკეთესო საშუალებაა. ზაფხული სწორედ, რომ იდეალური სეზონია მოზარდის მოტორული უნარების გაუმჯობესებისათვის. სწორედ ამიტომ, სახლში, ეზოსა თუ აგარაკზე ყოფნისას ეს მნიშვნელოვანი ნივთი მუდამ თან გქონდეთ.