თმის ფენები

თმის ფენი - ჩვენი ყოველდღიური ცხოვრების ნაწილი

მიუხედავად იმისა, რომ მუდამ სადღაც გვეჩქარება, ვცდილობთ ფორმაში ვიყოთ, სულ მცირე სველი თმით არ გავიდეთ ქუჩაში, ვარცხნილობაზე რომ არაფერი ვთქვათ. ასეთ დროს თმის ფენი ერთგული მეგობარია.

როგორ შევარჩიოთ თმის ფენი? ამ კითხვაზე პასუხი ბევრ ჩვენგანს აინტერესებს. რამდენიმე მნიშვნელოვანი საკითხი უნდა გავითვალისწინოთ ფენის შერჩევის დროს, ესენია: მასალა, წონა, სიმძლავრე, საცმების რაოდენობა...

მასალა და წონა

ფენის კორპუსი პლასტიკისგან მზადდება. ერთი შეხედვით ყველა პლასტმასი პლასტმასია, თუმცა ასეა არაა. ზოგიერთი მათგანი უხარისხოა. პლასტიკი თბოგამძლე უნდა იყოს  და როცა ფენს ავამუშავებთ, ფორმა არ უნდა დაკარგოს, არ უნდა დადნეს. თუ მასალა უხეშია, დეტალები ერთმანეთში მჭიდროდ არ იქნება ჩასმული, რაც კიდევ ერთი მინიშნებაა. პლასტმასის ხარისხის დადგენა გარეგნულად რთულია, თუმცა უნდა ვცადოთ მაინც.

რაც შეეხება თმის ფენის წონას, ის სიმძლავრის პირდაპირპროპორციულია. დიდი სიმძლავრის ფენები, ძირითადად, სალონებში გამოიყენება, ამიტომ როცა თმის ფენს სახლისთვის ვყიდულობთ, დიდი სიმძლავრისა და, შესაბამისად, მძიმე წონის ფენი, მოუხერხებელი იქნება ჩვენთვის და სარგებელს ვერ მოგვიტანს. ზოგჯერ წონას კორპუსის მასალის ხარჯზე ამცირებენ ანუ უხარისხო პლასტმასს იყენებენ.

სიმძლავრე

პროფესიონალები 2100 ვტ სიმძლავრის ფენს იყენებენ. თმა სწრაფად შრება, თუმცა სტილისტი ასწრებს ვარცხნილობის გაკეთებას. სახლში ყოველდღიური მოხმარებისთვის 1200-1600 ვტ სიმძლავრის თმის ფენი სავსებით საკმარისია. ჩვენ პროფესიონალები არ ვართ, ამიტომ ამ სიმძლავრის ფენით, სანამ თმა გაშრება, ფორმის მიცემასაც მოვასწრებთ, ამასთან, ფენის წონაც არაა დიდი და ხელში დაჭერისას სიმძიმესა და დისკომფორტს ნაკლებად ვიგრძნობთ. კარგია, თუ ფენს ექნება ჰაერის ნაკადის რეგულირების ფუნქცია, ასე შევძლებთ, გამოვიყენოთ იგი ჩვენი საჭიროების მიხედვით.

თმის ფენის საცმები

თმის ფენებს მოყვება, ძირითადად, ორი საცმი - კონცენტრატორი და დიფუზორი.

კონცენტატორი მთავარი საცმია. მისი ერთი ბოლო მრგვალია, რომლითაც ემაგრება ფენს, ხოლო მეორე ბოლო - ვიწრო. იგი უზრუნველყოფს ჰაერის მძლავ ნაკადს, რომელიც საჭიროა  ვარცხნილობის გასაკეთებლად, თუმცა თმის გასაშრობადაც იყენებენ კონცენტრატორს. რაც უფრო ვიწროა მისი ბოლო, ჰაერის ნაკადი მით მეტად მძლავრია.

თმის ფენი დიფუზორით გამოიყენება მაშინ, როცა თმისთვის მოცულობის მიცემა გვინდა, ასევე დახვევისთვის და თმის დიდი მონაკვეთის ერთდროულად გაშრობისათვის.

რატომ უნდა შევიძინოთ თმის ფენი „ლილოშოპზე?“

„ლილოშოპი“ თავის მომხმარებელს თმის ფენების მრავალფეროვან არჩევანს სთავაზობს. აქ წარმოდგენილია სხვადასხვა ცნობილი ბრენდის პროდუქცია, მაგალითად: Franko, Philips, Aurora, Royalty Line, Panasonic. მათი ფასი და ხარისხი თანხვედრაშია. ინტერნეტ მაღაზიაში ასევე წარმოდგენილია  თმის ფენი სავარცხელი და თმის ფენი მბრუნავი სავარცხლით.  „ლილოშოპის“ პროდუქციის ეს კატეგორია გამოირჩევა აქციებით. ჩვენი სოციალური მედიის - Facebook-ის - გვერდზე ხშირად შეხვდებით ფრაზას - ფენი ფასდაკლებით.