საახალწლო ნაძვის ხე

საახალწლო ნაძვის ხის ყიდვა

 იანვარი ჩაივლის თუ არა, ისევ ვიწყებთ ფიქრს მომავალ შობა-ახალ წელზე. მარტო ფიქრს რა უჭირს, გეგმებს ვადგენთ, როგორი ნაძვის ხე, სათამაშოები და მორთულობა გვექნება. სექტემბრიდან კი შეგრძნება, რომ ახალი წელი მალე დადგება, უფრო გვიმძაფრდება. ვუსმენთ საშობაო სიმღერებს, ვიწყებთ საშობაო ფილმების ყურებას და ერთი სული გვაქვს, როდის შეივსება მაღაზიის დახლები საახალწლო აქსესუარებით, რომ ჩვენი თვეების წინ გაწერილი გეგმა შევასრულოთ და ვიყიდოთ ყველაფერი, რაც გვინდა. სპეციალურად მოწყობილი ბაზრობები აღარ გვყოფნის და ონლაინ მაღაზიებში ვიჭყიტებით, ვათვალიერებთ ყველაფერს და არჩევანსაც ვაკეთებთ. მერე ველოდებით კურიერს და სიხარულით გვავსებს ყუთების დახსნა და ნაყიდი ნივთების ნახვა და შეხება.

ნაძვის ხე შობა-ახალი წლის მთავარი ატრიბუტია, რომელსაც სახლის ყველაზე გამორჩეულ ადგილზე ვდგამთ, მოვრთავთ-მოვკაზმავთ და რამდენიმე კვირა ოჯახის ყველაზე მნიშნვნელოვან წევრად ვაქცევთ. ყველა მას შევცქერით და მასთან ვატარებთ დროს. ნაძვის ხეებს ჩვენი გემოვნების მიხედვით ვარჩევთ, ზოგიერთი დიდ, ჭერამდე ასულ ნაძვის ხეს ვანიჭებთ უპირატესობას, ზოგს კი, პატარა და მოკრძალებილი მოგვწონს. არჩევანიც დიდია: მწვანე ფუმფულა ტოტებით, დაფიფქული ან კიდევ მთლად თეთრი, როგორც თოვლში ტყეში მდგარი ხეები. მთავარია ჩვენს გემოვნებასა და ჯიბეს თანაბრად მოვარგოთ.

რატომ უნდა შეიძინოთ ნაძვის ხეები Liloshop-ზე?

21-ე საუკუნე ტექნოლოგიების ერად იწოდება. სწორედ ტექნოლოგიურმა პროგრესმა აქცია ასე ხელმისაწვდომი ყველა სახის პროდუქტი დედამიწის ნებისმიერ წერტილში. ონლაინ მაღაზიები სოკოებივით მრავლდებიან. ამ ტენდენციას საქართველომაც აუწყო ფეხი და ბაზარზე რამდენიმე მსხვილი ონლაინ მაღაზია გაჩნდა, რომლებიც ერთმანეთსაც უწევენ კონკურენციას და ფიზიკურ მაღაზიებსაც. Liloshop.ge საქართველოში ყველაზე დიდი სავაჭრო ცენტრი „ლილო მოლის“ ონლაინ მაღაზიას წარმოადგენს. აქ ყველაფრის ყიდვაა შესაძლებელი, ანუ სახლიდან გაუსვლელად თავს გრძნობ „ლილო მოლში“, არჩევ და უკვეთავ ნივთებს.

საახალწლო პროდუქციის ფართო არჩევანია Liloshop-ში. ნაძვის ხეები კი უპირობო ლიდერები არიან. დიდი, საშუალო, პატარა ზომის მწვანე თუ თეთრად შეფერილი ხეები, რომლებიც ხარისხითაც გამოირჩევიან და მისაღები ფასი აქვთ, ამაყად ამშვენებენ ონლაინ მაღაზიის ვირტუალურ თაროებს და პარტონებს ელოდებიან. ასევე პატარა, დეკორატიული ნაძვის ხეების ყიდვაც შესაძლებელია აქ, რომელთაც ხშირად ოფისის თუ ცალკეული ოთახების მოსართავად ვიყენებთ, რადგან ყველგან იგრძნობოდეს საშობაო განწყობა. რატომ Liloshop-ი? პასუხი მარტივია. დიდი არჩევანი, მისაღები ფასი, კურიერის მომსახურება და ერთსულოვანი გუნდი, რომელიც ცდილობს თქვენი ყველა მოთხოვნა გაითვალისწინოს და მაქსიმალურად დაგეხმაროთ ნივთის შეძენის დროს. შეკვეთა მარტივია, ხოლო პროდუქციის შეძენა შესაძლებელია, როგორც ნაღდი ანგარიშსწორებით კურიერთან, ასევე Visa/Mastercard-ის ბარათის საშუალებით, განვადებით ან საბანკო გადარიცხვით.

 ნაძვის ხის ფასები

 ყველანი ვთანხმდებით, რომ ნაძვის ხე იაფი ნამდვილად არაა. მისი ფასი ორნიშნა რიცხვიდან იწყება და სამნიშნა რიცხვის მაღალ ეშელონებს აღწევს. ფასს ბევრი ფაქტორი განსაზღვრავს, უპირველეს ყოვლისა კი ნაძვის ხის სიგრძე. რაც უფრო გრძელია, მით მეტი ღირს. ასევე ფასზე მოქმედებს მასალა, რითაც დამზადებულია ტოტები. მაგალითად, ვიწრო და გამხმარი ტოტები აქვს ხეს თუ ფუმფულა და ხშირი. ასევე სხვადასხვა ფასი აქვს უბრალოდ მწვანე, თეთრად შეფიფქულ და სულ თეთრ ნაძვის ხეებს. ამასთან, უნდა აღვნიშნოთ ისიც, რომ ხელოვნული და ცოცხალი ნაძვის ხის ფასები მკვეთრად განსხვავდება ერთამანეთისგან.

ასე რომ, როცა ნაძვის ხის შეძენას გადავწყვეტთ, უნდა გავითვალისწინოთ, როგორია ჩვენი ბიუჯეტი, რადგან ნაძვის ხესთან ერთად აუცილებლად უნდა ვიყიდოთ ნაძვის ხის სათამაშოები. არც ეს უკანასკნელია იაფი სიამოვნება. თან როცა ამდენი თვალისმომჭრელი ბურთულა თუ ბაფთაა, გვინდა, ყველა მათგანი ჩამოვკიდოთ ჩვენს ხეზე. ფერადი ნათურებიც არ უნდა დაგვავიწყდეს და ციმციმა ვარსკვლავიც, რომელიც საშობაო ნაძვის ხის აუცილებელი ატრიბუტებია.