როგორ შევარჩიოთ საგორავებელი მანქანა?

ბავშვის საგორავებელი მანქანები ე.წ. ტოლოკარები, რომლებიც განკუთვნილია 1-3 წლამდე ბავშვებისთვის, დიდი ხანია პოპულარულია ევროპაში. ეს მანქანები სულ რამდენიმე წლის წინ საქართველოშიც გამოჩნდა და მშობლების ყურადღებაც მალევე დაიმსახურა. ბავშვებს შეუძლიათ ამოძრაონ ბორბლები ფეხების მიწაზე შეხებით და არა პედლების გამოყენებით. მათ საშუალება აქვთ მიმართულება სწორად განსაზღვრონ და კოორდინაციის უნარი გაიუმჯობესონ.

თავდაპირველად, როცა როცა ბავშვი ფეხზე წამოდგომას იწყებს, მანქანას იყენებს, როგორც დასაყრდენს და ოთახში სახელურზე ხელის მოჭიდებით დასეირნობს. ასეთ დროს მნიშვნელოვანია, რომ მანქანა იყოს მყარი კონსტრუქციის.

ამ მანქანებით პატარები გართობას მანამდეც იწყებენ, სანამ მასზდაჯდომასა და გადაადგილებას შეძლებენ, ამიტომ მისი ყიდვა თამამად შეგიძლიათ 1 წლამდეც. ღილაკებზე ხელების დაჭერა, საჭისა თუ ბორბლის ტრიალი და მანქანის საგულდაგულო თვალიერება პატარების საყვარელი გასართობია.

ამ ყველაფრის მერე კი სწავლობს უკვე მანქანაზე დამოუკიდებლად გადაჯდომას. პატარებს რატომღაც ძალიან მოსწონთ უკანა სვლით სიარულიც. რამდენიმე ხანში კი დაჰქრიან როგორც წინა ასევე უკანა სვლით, საჭის ტრიალითა და ხმოვანი სიგნალებით.

რას უნდა მივაქციოთ ყურადღება საგორავებელი მანქანის ყიდვისას?

ბორბლები

პატარა ბავშვები დროის ძირითად ნაწილს სახლში ატარებენ. პლასტმასის ბორბლები კი იდეალურია ოთახში სასეირნოდ. ეზოში სეირნობისთვის უმჯობესია რეზინის ბორბლები, თუმცა, მანქანას რეზინის ბორბლებით უფრო იშვიათად შეხვდებით.

დასაჯდომი სკამის სიმაღლე.

ზოგიერთი მანქანა განკუთვნილია 1-1.5 ბავშვისთვის და შესაბამისად დაბალია. არის ისეთი მაღალი მოდელები, რომლებიც 1.5 წლის ბავშვისთვის არაკომფორტული იქნება. ამიტომ შეგიძლიათ არჩევანი შეაჩეროთ შუალედურ ვარიანტზე, რომელიც 1 წლიდან 3 წლამდე გამოგადგებათ.

კონსტრუქცია

ბავშვებს ხშირად კიდეზე ჩამოჯდომა ხიბლავთ. ჩვენთან არსებული მოდელების სიმძიმის ცენტრი ისეა კონსტრუირებული, რომ ამოტრიალება პრაქტიკულად შეუძლებელია.

საბარგული

ტევადი საბარგული,რომელიც იხსნება, ბავშვისთვის კარგი გასართობია. დღის განმავლობაში მათ დაუღალავად შეუძლიათ ამოალაგონ და ჩაალაგონ ათასი წვრილმანი ნივთი.

მუსიკალური ღილაკები

ის რაც ხშირად გამაღიზიანებელია მშობლისთვის , ბავშვისთვის ძალიან სახალისოა, განსაკუთრებით კი საჭეზე ხმოვანი სიგნალის დაჭერა. თუ ხმაური მოგბეზრდებათ, შეგიძლიათ უბრალოდ ამოიღოთ ელემენტები.

მაღალი სახელური

მაღალი სახელურით მშობელს ზედმეტი ძალისხმევის გარეშე( დახრისა თუ სხვა დამღლელი მოძრაოებების გარეშე) შეუძლია ყურადღება მიაქციოს ბავშვს და დაეხმაროს გადაადგილებაში

ჩვენს საიტზე წარმოდგენილი საგორავებელი მანქანები უზბეკურ Funny Toys Plast -სა და თურქულ „პილსანის“ ბრენდებს ეკუთვნით. ეს ბრენდები ხარისხის ნიშნით გამოირჩევა და შემოწმებულია ხარისხის კონტროლის საერთაშორისო ორგანიზაციების მიერ.