იკომერსი და მისი განვითარების ტენდენციები

ინტერნეტის გავრცელების სტატისტიკა

2018 წლის 1 იანვრისათვის მსოფლიოში 3 812 564 450 ინტერნეტ მომხმარებელი დაფიქსირდა. ეს რიცხვი 2016 წლიდან მოყოლებული 400 მილიონით არის გაზრდილი.

პირველ ადგილზე, რა თქმა უნდა, ჩინეთია 738 539 792 აბონენტით,

მეორეზე - აშშ 286 942 362 ინტერნეტის მომხარებლით,

ხოლო მესამეზე რუსეთი 109 552 842 აბონენტით.

საქართველოში ინტერნეტის წვდომა მოსახლეობის 60% -ზე მეტს აქვს. ამ მაჩვენებლით ჩვენ ქვეყნების სიის შუაში ვართ. ლიდერები მსოფლიოს მაშტაბით ისლანდია და არაბეთის გაერთიანებული საამიროებია 96% მეტი ინტერნეტის წვდომით.

მსოფლიოში დაფიქსირებულია 1.3 მილიარდი ვებგვერდი. პირველი საიტი info.cern.ch 1991 წელს გაეშვა.

ინტერნეტ მარკეტინგის სტატისტიკა

როგორც ვიცით, კომერციის მამოძრავებელი ძალა რეკლამაა. ონლაინ რეკლამა კი ყოველწლიურად იზრდება. 2018 წელს ინტერნეტ რეკლამამ მთლიანი სარეკლამო ბაზრის 44% შეადგინა. 2017 წელს პირველად ონლაინ რეკლამამ გადაასწრო სატელევიზიო რეკლამას.

ვარაუდობენ, რომ 2018 წელს ციფრულ მარკეტინგში დაიხარჯება 237 მილიარდი დოლარი, ამასთან, ყველაზე მეტი დაიხარჯება საძიებო სისტემის რეკლამაში - 113 მილიარდი დოლარი.

ციფრულ მარკეტინგში უფრო მეტ წილს იკავებს მობილურ მოწყობილობებზე - სმარტფონებსა და ტაბლეტებზე ტარგეტირებული რეკლამა. 2018 წელს საძიებო სისტემაში რეკლამის 63% სწორედ ამ მობილურ მოწყობილობებზე დაიხარჯება.

ამავე დროს 2018 წელს Facebook შემოსავალი სარეკლამო ბიზნესიდან გაიზრდება 32.1%, ხოლო Google შემოსავალი ამავე სეგმეტიდან - 14.8% პროცენტით.

ონლაინ ბიზნესის სტატისტიკა ევროპა

საქართველო, როგორც განვითარებადი ქვეყანა, რამდენიმე წლით ჩამორჩება ევროპას. ბიზნესის ყველა ტრენდი, ყველა ცვლილება, რომელიც ევროპაშია აქტუალური, აუცილებლად მეორდება საქართვლოში დროის გარკვეული პერიოდის შემდეგ.

გადავხედოთ ონლაინ ბიზნესის ისტორიას ევროპაში და დავგეგმოთ ჩვენი ბიზნესის განვითარება საქართველოში ევროპული ბიზნესის განვითარების ისტორიაზე დაყრდნობით.

განსხვავებით ტრადიციული რითეილ ბიზნესისა , სადაც ყოველწლიური ზრდა არ აღემატება 1-2% -ს და 2012 -2013 წლებში შემცირდა კიდეც, ონლაინ რითეილ გაყიდვები 2012-2017 წელს 150%-ით გაიზარდა.

რაც შეეხება ონლაინ გაყიდვების ტრენდებს: 2017 წელს მობილური მოწყობილობებიდან 44%-ით გაიზარდა გაყიდვები, მაშინ როდესაც 2013-2016 წლებში ონლაინ გაყიდვების ზრდის დინამიკა იყო სლიური საშუალო 13% იყო.

საქართველო და ონლაინ ბიზნესი საქართველოში ონლაინ ბიზნესი საკმაოდ განვითარებულია, გაყიდვის უდიდესი ნაწილი Amazon, Ebay, Aliexpress, Alibaba და სხვა ევროპულ, ამერიკულ თუ ჩინურ საიტებზე მოდის.

ამავე დროს ქართული საიტების გაყიდვების ტემპებიც იმატებს, რასაც ხელს უწყობს ქალაქში არსებული საცობები, დროის დაზოგვისა და კომფორტული შოპინგის სურვილი. ეს ყველაფერი, ევროპის მსგავსად, ხელს შეუწყობს ტრადიციული Offline მაღაზიების რიცხვის შემცირებასა და მათ ადგილას კაფე-რესტორნების გახსნას.

თუ თქვენ აპირებთ ონლაინ ბიზნესის დაწყებას საქართველოში, შეგიძლიათ, გაითვალისწინოთ არსებული გამოცდილება და აირჩიოთ ან კონკრეტული სფერო, როგორიცაა ელექტრონიკა -be.ge, საბავშვო მანეჟები და ეტლები - wishlist.ge, ჭურჭელი - dazoge.ge, twingo.ge ან amazon-ის ტიპის საიტი გააკეთოთ, როგორიცაა liloshop.ge.

აუცლებელია, კარგად იცნობდეთ სფეროს, რომელშიც აპირებთ ონლაინ ბიზნესის დაწყებას.

თვითონ საიტის გაკეთების პროცესი ძალიან გამარტივებულია და თუ ნებისმიერს არა, ძალიან ბევრს შეუძლია, გამოიყენოს ონლაინ მაღაზიის გახსნისათვის აუცილებელი ინსტუმენტები, რომელთა ჩამონათვალს, შედარებებსა და უპირატესობებს შეგიძლიათ, გაეცნოთ ჩვენს სტატიაში საიტის დამზადება - მზა პლატფორმების განხილვა.

გარდა ონლაინ მაღაზიის გახსნის ხარჯისა, თქვენ უნდა უნდა გაითვალისწინოთ მისი შენახვისა და მარკეტინგის ხარჯები. ხარჯების უკეთ დაგეგმისათვის იხილეთ სტატია საიტის ფუნქიონირება და მარკეტინგული უზრუნველყოფა.

და ბოლოს მათთვის, ვისაც უნდა სცადოს ონლაინ ბიზნესი და არ არის მზად ამ საქმეში ფულის დახარჯვისთვის, გირჩევთ, ნახოთ, თუ როგორ შეიძლება 0 ლარის ინვესტიციით ონლაინ ბიზნესის დაწყება დაიწყე ონლაინ ბიზნესი უფასოდ liloshop.ge -თან ერთად.

LiloShop.ge-ს მარკეტინგის დირექტორი - ლევან ნადირაძე