​როგორ შევარჩიოთ სასკოლო ჩანთა?

რთულია იფიქრო სასკოლო ნივთებზე მაშინ, როცა ჯერ კიდევ ტკბილი არდადეგებია. თუმცა სულ რამდენიმე კვირა დარჩა ახალ სასწავლო წლამდე და ერთერთი მთავარი ატრიბუტი,რაც ყველა ბავშვს სჭირდება - ზურგჩანთაა.

ის კი უნდა აკმაყოფილებდეს გარკვეულ მოთხოვნებს,რომლებიც შეესაბამაება ბავშვის აღნაგობას, წონას, ასაკსა და სხვა მაჩვენებლებს.

1. ზომა და ჯიბეები. განსაზღვრეთ რამდენი კილოს ტარება მოუწევს თქვენ შვილს სკოლაში. იფიქრეთ იმაზე,თუ რა ტიპის ჯიბეები დასჭირდება მას. წინასწარ გქონდეთ პასუხები შემდეგ კითხვებზე:

· სჭირდება თუ არა ბავშვს ტექნიკური მოწყობილობის ტარება სკოლაში?

· სჭირდება თუ არა ადგილი საკვების წასაღებად?

· სჭირდება თუ არა ადგილი კალმებისთვის, გასაღებისა თუ სხვა პატარა საგნებისთვის?

· სჭირდება თუ არა ჯიბე წყლისა თუ წვენის ბოთლისთვის?

ჩანთის წონა ერთ კილოგრამს არ უნდა აღემატებოდეს, პირველკლასელის ზურგჩანთის წონა კი უფრო ნაკლები – 600 გრამი უნდა იყოს. ზურგჩანთა სასკოლო ნივთებიანად არ უნდა იწონიდეს მოსწავლის სხეულის მასის 10%-ზე მეტს.

ზურგჩანთების სანახავად ეწვიეთ ბმულს: https://bit.ly/2MZQies

2. შეარჩიეთ ორთოპედიული ჩანთა. ორთოპედიული საზურგე ხერხემლის ბუნებრივ ფორმას იმეორებს, ამიტომ თქვენი შვილი დაცული იქნება ხერხემლის პრობლემებისგან და ისეთი სასკოლო დაავადებისგან როგორიცაა სქოლიოზი. ზურგჩანთის საზურგეს წელის მიდამოში სიმრგვალე უნდა ჰქონდეს, რადგან ჩანთის ტარებისას ყველაზე დიდი დატვირთვა სწორედ ამ ადგილზე მოდის. საზურგე ზომიერად მტკიცე უნდა იყოს ისე, რომ რომ ბავშვს ზურგი არ ატკინოს. ორთოპედები ასევე გვირჩევენ,რომ ნებისმიერი ასაკის მოსწავლისთვის შევიძინოთ არა ცალ მხარზე გადასაკიდებელი, არამედ ზურგზე მოსაკიდებელი ჩანთა,

საზურგის ნაწილში ბადისმაგვარ მასალის არსებობა აუცილებელია, რადგან მას სავენტილაციო ფუნქცია აქვს. მისი მეშვეობით ბავშვი ნაკლებად ოფლიანდება.

3. გორგოლაჭებიანი ჩანთა.თუ თქვენი შვილი დაწყებით კლასის მოსწავლეა, უმჯობესია გორგოლაჭებიანი ჩანთა შეურჩიოთ. პედიატრები ხშირად ჩივიან იმის გამო ,რომ მოზარდების სახელმძღვანელოები ნორმაზე მძიმეა, რაც საზიანოა მათი ჯანმრთელობისთვის. სიმძიმე გავლენას ახდენს , ხერხემალზე, სიმაღლეში ზრდაზე, მხედველობაზე და შინაგანი ორგანოების ნორმალურ ფუნქციონირებაზე. გორგოლაჭებიანი ჩანთის საშუალებით ბავშვს 2-3 ჯერ უფრო უადვილდება ჩანთის ტარება,რადგან სიმძიმეს ნაკლებად გრძნობს. შეუძლია ხელით გააგოროს ჩანთა, სურვილის შემთხვევაში კი ზურგზეც გაიკეთოს.

4. აირჩიეთ ნაჭერი. ზურგჩანთის ნაჭერი განმსაზღვრელია მისი წონის, ჰაერგამტარობისა და გამლეობის

· ახალი სინთეტიკური ნაჭრები ნამდვილად დიდხანს ძლებს, თუმცა ტყავს გამძლეობით,რა თქმა უნდა, ვერ შეედრება

· გაითვალისწინეთ, რომ სინთეტიკისგან დამზადებული ჩანთები უფრო მსუბუქია ვიდრე ტყავის.

· სინთეტიკა პოლიესტერისა და ნეილონის მსგავსად უფრო წყალგამძლეა, ვიდრე ბუნებრივი ნაჭერი მსგავსად ბამბისა.

· ბუნებრივი ნაჭრისგან დამზადებული ჩანთები მაღალი ჰაერგამტარობით ხასიათდება. თუ ეკო-მეგობრული ჩანთის შეძენა გსურთ აუცილებლად ბუნბრივ ნაჭერზე შეაჩერეთ არჩევანი

5. შეამოწმეთ ელვა შესაკარავი. ჩანთის შეძენამდე დარწმუნდით,რომ მისი ყველა ჯიბე მარტივად იხსნება/იკეტება. აარჩიეთ ორმაგთავიანი ელვა შესაკრავიანი ჩანთა,როგორც წესი, ამ ტიპის ჩანთებს ელვა შესაკრავთან დაკავშირებული პრობლემები თან არ ახლავს.

6. ყურადღება მიაქციეთ სახელურებს. ეცადეთ განიერსახელურიან ჩანთაზე გაამახვილოთ ყურადღება, რათა,ერთი მხრივ, სიმძიმეს გაუძლოს ჩანთამ, მერე მხრივ, კი მოზარდს მხრები არ ეტკინოს სასკოლო ნივთების ტარებისას. ჩანთის სახელურების ზომა უნდა რეგულირდებოდეს და არ უნდა იყოს უხეში. ჩანთის ზედა ნაწილი ბავშვის მხრებზე მაღლა არ უნდა ფიქსირდებოდეს, ხოლო ქვედა ნაწილი თეძოებამდე არ უნდა წვდებოდეს.ქამრების რეგულირება ბავშვს არ უნდა უჭირდეს. ქამრები წელვადი და წვრილი არ უნდა იყოს, მათი ოპტიმალური სიგანე 4-5 სანტიმეტრია.

დაბოლოს, გახსოვდეთ, რომ ბავშვს თავად ჰკითხოთ აზრი ,რომელი ჩანთა მოსწონს,შესაძლოა მას ფერადი, პრინცესებითა თუ მულტფილმის გმირებით მოხატული ჩანთა ხიბლავდეს ან პირიქით ასეთი ტიპის ჩანთა აღიზიანებდეს.მიეცით საშუალება თავად გააეთოს არჩევანი,რათა მისთვის არასასურველმა ჩანთამ არ დააკომპლექსოს,შემდგომ კი მისი სკოლაში წასვლის მოტივაცია არ დააქვეითოს.

ზურგჩანთების სანახავად ეწვიეთ ბმულს: https://bit.ly/2MZQies