რა ვაჩუქო საახალწლოდ ჩემს გოგოს?

ჰოუ, ჰოუ ჰოუ... ახალ წლამდე სულ უფრო და უფრო ცოტა დრო რჩება და მარადიული საახალწლო კითხვა - რა ვაჩუქო? მილიონობით ადამიანს უტრიალებს თავში.
სანამ ნაძვის ხის ქვეშ ლამაზად შეფუთულ ყუთს განათავსებთ, მანამდე 2018 წლის ყველაზე პოპულარულ, აქტუალურ და ბავშვებისთვის ყველაზე მიმზიდველ სათამაშოებს გაეცანით.

სათამაშო სამზარეულოს ნაკრები და საყოფაცხოვრებო ტექნიკა

2-9 წლის ასაკის გოგნებისთვის სამზარეულოს ნაკრები და  სათამაშო საყოფაცხოვრებო ტექნიკა უდავოდ  გამოიწვევს თქვენი პატარების აღტაცებას შობისა თუ ახალი წლის  ღამეს. აღნიშნული სათამაშოები მოზარდის შემოქმედებითი უნარის განვითარებას უწყობს ხელს. ამასთანავე, მოზარდები  გუნდურ მუშაობას სწავლობენ.მეგობრებთან ერთად შესაძლებლობა აქვთ სათამაშო სამზარეულოში ერთად იფუსფუსონ,  სასურველი კერძის მომზადების იმიტირებული პროცესი გაითამაშონ და იდეები ერთმანეთს გაუზიარონ. ეს ყოველივე კი კომუნიკაციის უნარს წაახალისებს მოზარდებში. 

თანაც, ვინ იცის, იქნებ თქვენმა პატარამ მინი სამზარეულოში ფუსფუსისას  გოზინაყის ან საცივის ალტერნატიული რეცეპტიც კი შემოგთავაზოთ.

Baby dolls

აღნიშნული თოჯინები მოზარდში პასუხისმგებლობის  გრძნობის გამომუშავებას უწყობს ხელს, რადგან ბავშვი ზრუნავს მასზე. თამაშის დროს გოგონა  თოჯინას გამოკვებავს, ტანსაცმელს უცვლის  და სხვადასხვა აქტივობას ახორციელებს. გოგონები თავს დედის ამპლუაშია წარმოიდგენენ ხოლმე და თან ცდილობენ საკუთარ მშობელს მიბაძონ.არაერთი კვლევა ადასტურებს იმ ფაქტს, რომ ის ბავშვები,რომლებიც ადრეული ასაკიდან მსგავსი ტიპის სათამაშოებს იყენებენ უფრო მეტად მზრუნველები არიან მშობლებისა და ახლობელი ადამიანების მიმართ. ჰომ და, როგორც ამბობენ, დაე, ახალი წელი იყოს დასაბამი უფრო მეტი სითბოსა და პოზიტივისა. 

საბავშვო კოსმეტიკის ნაკრები

მსოფლიოში რთულად თუ ნახავთ პატარა გოგონას, რომელსაც  დედასთვის  ტუჩსაცხი ან სხვა კოსმეტიკური საშუალება არ მოუპარავს. სათამაშოების ინდუსტრიაში დღითიდღე უფრო პოპულარული ხდება საბავშვო კოსმეტიკის ნაკრების წარმოება,რადგან ეს ბავშვებისთვის ერთერთ ყველაზე მიმზიდველ საჩუქარს წარმოადგენს. ნუ შეგეშინდებათ, საბავშვო კოსმეტიკა არ შეიცავს მათთვის მავნე, ტოქსიკურ ნივთიერებებს. თუკი ლაპლანდიელი თეთრწვერა მოხუცი თქვენს პატარას მსგავსი სათამაშოთი დაასაჩუქრებს, მერწმუნეთ, სიხარულისგან „მე-9 ცაზე ყოფნის“ განცდა უდავოდ დაეუფლება თქვენს გოგონას.

ასაწყობი მძივები
სამაჯური, ყელსაბამი თუ სხვა აქსესუარი თითქმის ყველა გოგონას საყვარელია ნივთია. იმ შემთხვევაში თუ  მისცემთ საშუალებას თავად შექმნან მათთვის სასურველი აქსესუარი, მათს კეთილგანწყობას დაიმსახურებთ. გახსოვდეთ,  ხელნაკეთი ნივთების შექმნა გოგონებს ხელის მოტორიკის განვითარებაში ეხმარებათ, ამასთანავე შრომითი უნარ-ჩვევების შეძენას ახერხებენ , რაც მათი განვითარებისთვის მეტად მნიშვნელოვანია.ზამთარი ამ ტიპის სათამაშოს შესაძენად საუკეთესო სეზონია, რადგან ნაკლებად არიან გარე აქტივობებით დაკავებულნი, ამასთანავე ხანგრძლივი საახალწლო  არდადეგებიც წინ აქვთ.

სათამაშოების სრულად სანახავად ეწვიეთ ბმულს: https://bit.ly/2OO0lEc

აბა, ბედნიერ ახალ წელს გისურვებთ თქვენ და თქვენს პატარებს.