საიტის დამზადება - მზა პლატფორმების განხილვა

თქვენ გადაწყვიტეთ საიტის გაშვება.მივიჩნიოთ, რომ პირველი და მეორე ეტაპები უკვე გავლილი გაქვთ.

1. უნდა გქონდეთ წვდომა რაიმე პროდუქციაზე, ეს წვდომა უნდა უზრუნველყოფდეს უპირატესობას ფასში, მიწოდების ვადებში ან ქმნიდეს რაიმე კომფორტს.
2. ბაზარი უნდა იყოს გამოკვლეული და თქვენი უპირატესობა მკაფიოდ უნდა იყოს განსაზღვრული, თუ რას სთავაზობთ მყიდველს.

და გადავიდეთ მე-3 ეტაპზე

1. ავირჩიოთ რაიმე პლატფორმა საიტის გასაკეთებლად ან ნულიდან დავაწერინოთ ვინმეს ვებგვერდი.

მესამე პუნქტთან დაკავშირებით, მე პირადად წინააღმდეგი ვარ ადგილობრივ ბაზარზე გაკეთებული ინტერნეტ მაღაზიის. საქართველოს ბაზარი იმდენამ მცირეა, რომ აზრი არ აქვს შექმნა პროდუქტი მხოლოდ ადგილობრივი ბაზრისთვის. რაც შეეხება მსოფლიო პროდუქტს, აქ უკვე საქართველოში არსებულ პროგრამისტებს ხელს უშლით შესაბამისი ფინანსების არქონა.

თქვენ, რა თქმა უნდა, შეგიძლიათ დააწერინოთ ელექტრონული მაღაზია ადგილობრივ კადრებს ნულიდან , მაგრამ პრობლემა რამდენიმე კვირაში ან თვეში გამოჩდება, როდესაც საიტს დასჭირდება შეცდომების, ე.წ. “ბაგების” აღმოფხვრა, გადააწყდებით უსაფრთხოების პრობლემებს, დაგეგმავთ რაიმე ცვლილებებს და ამ დროს ადგილობრივ პროგრამისტებს თქვენთვის არ ეცლებათ. ეს ყველაფერი რომ საიტის დამზადების საწყის ღირებულებაში შესულიყო, თქვენ როგორც დამკვეთი, უარს იტყოდით ვებგვერდის დამზადებაზე.

რაც შეეხება ადგილობრივ კომპანიებს, როგორებიცაა, მაგალითად smartweb.ge. მათი მომსახურების ღირებულება უკვე ძვირია იმ ხარისხთან შეფარდებით, რასაც გთავაზობენ.

ახლა გადავიდეთ ე.წ. მზა პლატფორმების განხილვაზე და მიმოვიხილოთ რამდენიმე მათგანი.