კერამიკის თეფში - კვერცხების სადგამი

პროდუქტი დამზადებულია საქართველოში იტალიური ნედლეულით. ყველა რელიეფური თუ არარელიეფური გამოსახულება პროდუქტზე შესრულებულია ხელით, თითოეულ ნივთზე ინდივიდუალურად. ჭურჭელი გახლავთ ე.წ. ფაიანსი - ფაიფურისებურად გამომწვარი, აქვს სქელი კედლები, დაფარული რამდენიმე ფენა მინანქრით, შემადგენლობაში შედის ცეცხლგამძლე თეთრი თიხა და კვარცი. ხასიათდება წვრილი ფორიანობით. ჭურჭლის ზოგი კოლექცია დამზადებულია მსოფლიოს წამყვანი ბრენდების კოლექციების მსგავსად - კრაფტ შესრულებით ანუ გამომწვარ ზედაპირზე ფორების რკინით დამუშავებით. ამ ტიპის ჭურჭელზე შესანიშნავად გამოიყურება ნებისმიერი კერძი. ადგილობრივი წარმოება გახლავთ მოქნილი და მორგებული მომხმარებელზე და შესაძლებელს ხდის მოთხოვნის მიხედვით ნებისმიერი რაოდენობის, ფორმის, ზომის და დიზაინერული ვიზუალის პროდუქტის დამზადებას.

ფაიანსის ჭურჭელი ძველ ეგვიპტესა და მესოპოტამიაშიც კი იყო ცნობილი, ევროპაში მოგვიანებით გავრცელდა და სახელი იტალიის ქალაქ ფაენცას მიხედვით მიიღო, რადგან ევროპაში სწორედ აქ დამზადდა პირველად.

აღნიშნული ბრენდი გვთავაზობს პროდუქციის ფართო ასორტიმენტს, სუფრის სრულ სერვირებას, ასევე უამრავ დეკორატუილ ნივთს, სუვენირებს, გამოირჩევა საინტერესო დიზაინით, ჭურჭელი არის მოჭიქული, ამიტომ ნებისმიერი გამოსახულების დატანა და მოხატვა არის შესაზლებელი.

ამ ტექნოლოგიით დამზადებულ პროდუქტში არ შეიწოვება სარეცხი საშუალებები, რაც ნისნავს იმას რომ გახლავთ უსაფრთხო.

ამავე მიზეზით ის არ შთანთქავს ჭუჭყს და ცხიმს, რაც ნიშნავს რომ ადვილია გაწმენდა. შესაფერისია მრავალჯერადი ყოველდღიური გამოყენებისთვის. შესაძლებელია მისი ჭურჭლის სარეცხ მანქანაში გარეცხვა.