სათამაშოები გოგონებისთვის

სათამაშოები გოგოებისთვის

მიუხედავად იმისა, რომ სქესის მიხედვით ნებისმიერი სახის დისკრიმინაცია მიუღებელია, საზოგადოება დღემდე გარკვეულ ფერს, სათამაშოს, ფიზიკურ აქტივობას, ტანსაცმელს გოგონებთან აკავშირებს და გარკვეულს ბიჭებთან. ეს ტენდენცია გასულ ათწლეულებში უფრო შესამჩნევი იყო, თანდათან ბევრი ნივთი უნისექსი ხდება, მაგალითად, გოგონები და ბიჭები დადიან ერთნაირი მაისურებით, ფეხსაცმელებით და ა.შ. ფსიქოლოგები ამბობენ, რომ ბავშვს უნდა შევთავაზოთ ორივე ტიპის სათამაშო და არა მხოლოდ მისი სქესისთვის განკუთვნილი, თუმცა, როცა მშობელი სათამაშოს არჩევს ძალაუნებურად ითვალისწინებს სქესს.

თოჯინა სათამაშოები

ყველაზე პოპულარული ე.წ. გოგო სათამაშოებია. დიდი მოწონებით სარგებლობს ისეთი თოჯინები, რომლებიც პატარა, ჩვილ ბავშვებს ჰგვანან და გოგონებში დედობრივ ინსტინქტებს აღვივებენ. ისინი ზრუნავენ მათზე, დაატარებენ ყველგან სათამაშო ეტლებით და ეპყრობიან, როგორც საკუთარ შვილს. ბევრი კომპანია აწარმოებს ასეთ თოჯინებს, მათ შორისაა Baby Alive, My Sweet Doll, Igemellini, Baby Lovely, The Lovely Baby.

მიუხედავად ამისა, დღემდე არ ჰკარგავს აქტუალობას 1959 წელს ამერიკის ერთ-ერთ ქარხანაში “დაბადებული” ბარბი, რომელიც მსოფლიოს თითქმის ყველა ოჯახის განუყრელი წევრი გახდა. ბარბი გოგოებისთვის მისაბაძ ადამიანს, დედას ჰგავს, რადგან თოჯინაც დედასავით ლამაზი და გაპრანჭულია.

სხვადასხვა ტიპის სათამაშო

სიტყვათა შეთანხმება “სათამაშოები გოგოებისთვის” ბევრ რამეს მოიცავს. ყველას შეუძლია იპოვოს საკუთარი თუ სხვისი შვილისთვის სასურველი სათამაშო: მულტფილმების პერსონაჟები, საყოფაცხოვრებო ნივთები - სამზარეულოს, აბაზანის ნაკრები, ჭურჭელი, უთო და ა.შ. გოგონებს ძალიან უყვართ, როცა სხვადასხვა პროფესიას ირგებენ, რაშიც შესაბამისი სათამაშოებიც ეხმარებათ, საექიმო ნაკრები იქნება ეს თუ წყლის საღებავების ლაბორატორია. ძნელად მოიძებნება ბავშვი, რომელიც დედის კოსმეტიკას არ დასტრიალებს და დროს რომ მოიხელთებს, ეგრევე ისვამს ტუჩსაცხსა თუ თვალის ჩრდილს. ასე რომ, საბავშვო პარფიუმერიაზე მოთხოვნა საკმაოდ დიდია. ბავშვების ჯანმრთელობაც დაცულია და დედის ნივთებიც დაუზიანებელი.

სად შევიძინოთ?

დიდია მოთხოვნა, შესაბამისად, ბაზარზეც ბევრი მაღაზიაა ფართო ასორტიმენტით. liloshop-ი ონლაინ მაღაზიაა, რომელიც გთავაზობთ გოგონების სათამაშოების მრავალფეროვან არჩევანს, აქ ასევე ყველაზე პატარებისთვის მარტივად იპოვით სათამაშოს. შეკვეთა ძალიან მარტივია, ხოლო პროდუქციის შეძენა შესაძლებელია, როგორც ნაღდი ანგარიშსწორებით კურიერთან, ასევე Visa/Mastercard-ის ბარათის საშუალებით, განვადებით ან საბანკო გადარიცხვით.