ფაზლები

ფაზლების აწყობა

დღეს, ინტერნეტის ეპოქაში, როცა უამრავი რამ იტაცებს ბავშვის გონებას, ფრაზა - სწავლა თამაშით - სულ უფრო აქტუალური ხდება. განვითარებულ ქვეყნებში განათლების სისტემებიც კი ამ მიმართულებით გადაეწყო და მათი მთავარი დევიზი გახდა - სწავლება ძალდატანების გარეშე.

ფსიქოლოგების აზრით, გონებრივ სათამაშოთა შორის ერთ-ერთ მოწინავე ადგილზეა ფაზლი. ასაწყობი ფიგურები ლოგიკური უნარ-ჩვევების განვითარებას უწყობს ხელს. ბავშვები თამაშ-თამაშით ეცნობიან ფერებს, სწავლობენ ანბანს, რიცხვებს, სხვადასხვა ნივთისა თუ არსების სახელს.

დიდებსაც მოსწონთ გონების გავარჯიშება და დროის სასიამოვნოდ გატარება. მათთვის ფაზლების აწყობა განტვირთვის ერთ-ერთი საშუალებაა. შესაბამისად, ყველა ასაკისთვის არსებობს შესაბამისი ასაწყობი ფაზლები, რომლებიც რამდენიმე კატეგორიად იყოფა შინაარსის, სირთულის, ნაწილთა რაოდენობის, გამოყენებული მასალის მიხედვით.

ხის ფაზლები

ხის სათამაშოები სულ უფრო პოპულარული ხდება თანამდედროვე სამყაროში. შესაბამისად, ხის ფაზლები, როგორც ეკოლოგიურად სუფთა პროდუქტი, დიდი მოწონებით სარგებლობს. ხე, როგორც მასალა, საკმაოდ მოსახერხებელია სხვადასხვა ტიპის ფაზლის ასაწყობად, რადგან ადვილად შეგიძლია დაამუშაო და მიიღო სასურველი ფიგურა. განსაკუთრებით გამოიყენება ანბანის, რიცხვებისა და გეომეტრიული სიმბოლოების შესაქნელად. მშობლებიც უპირატესობას სწორედ ხის ფაზლებს ანიჭებენ, რადგან ადვილად არ ზიანდება და დიდხანს იყენებს ბავშვი. ყოველ მეორე დღეს არაა საჭირო ახალი ფაზლის ყიდვა.

3D ფაზლები

ტექნოლოგიამ განვითარების მწვერვალებს მიაღწია და დღეს წარმოუდგენელი ხვალ რომ უკვე წარსულად იქცევა, ამას კარგახანია ყველანი შევეგუეთ. სწორედ ამ ტექნოლოგიურმა გარღვევებმა შესაძლებელი გახადა, კლასიკური ფაზლის გარდა, მომხმარებლებისთვის 3D ფაზლის შეთავაზებაც. ეს უკანასკნელი უფრო დიდი ასაკის ბავშვებისთვისაა გათვლილი. ბავშვებთან ერთად ასევე ზრდასრული ადამიანებიც ტკბებიან ნაწილების საკუთარ ადგილზე მოთავსების პროცესში განცდილი სიამოვნებით. 3D ფაზლების მასალად, ძირითადად, ფერადი მუყაო გამოიყენება, რადგან ფაზლის ნაწილების შექმნა გაცილებით მარტივია, თუმცა ასევე ხისა და პლასტმასის 3D ფაზლებიც უხვადაა ბაზარზე.

იატაკის ფაზლები

სხვადასხვა ზომის, ფორმისა და მასალის ხალიჩები გვინახავს, რომლებიც ამშვენებენ ჩვენი თუ სხვისი ოთახის იატაკს ან ბაზრობების დახლებს. იატაკის ფაზლიც ერთგვარი ხალიჩაა, რომელიც განსხვავდება კლასიკური ფაზლისგან. იგი ადვილად შეგიძლია დაყო ნაწილებად ან ააწყო შენთვის სასურველი კოლაჟი. იატაკის ფაზლები მარტივად იქცევა ბავშვის ოთახის განუყოფელ ნაწილად, რომელიც ერთდოულად ასრულებს ხალიჩისა და ბავშვის გასართობ-შემეცნებით ფუნქციას.

ფაზლების შეკვეთა

ფაზლების აწყობა ერთგავი სიხარულია, ამიტომ მოთხოვნაც დიდია. შესაბამისად, ბევრმა მაღაზიამ საკუთარ თაროებზე შემოაწყო სხვადასხვა ტიპის ფაზლი. ონლაინ მაღაზია liloshop-ი გთავაზობთ ფაზლების მრავალფეროვან არჩევანს. შეკვეთა ძალიან მარტივია, ხოლო პროდუქციის შეძენა შესაძლებელია, როგორც ნაღდი ანგარიშსწორებით კურიერთან, ასევე Visa/Mastercard-ის ბარათის საშუალებით, განვადებით ან საბანკო გადარიცხვით. ასე რომ, რამდენიმე დღეში შეგიძლიათ მიიღოთ სასურველი ფაზლი.