ხის სათამაშოები

 ეკოლოგიურად სუფთა  სათამაშოები

 ნარჩენების შემცირება დღევანდელი სამყაროს მთავარი გამოწვევაა. ყოველდღიურად ვუსმენთ, ვკითხულობთ თუ ვუყურებთ ათეულობით ახალ ამბავს მსოფლიოს სხვადასხვა წერტილიდან, რომელთაგან ერთი მაინც ეხება გარემოს დაბინძურებას. ინდუსტრილიზაციის გზაზე ბუნებრივიდან ხელოვნურ ნედლეულზე გადასვლა  უზარმაზარი ნაბიჯი იყო. პლასტმასის გამოყენებამ მასობრივი და ყველასათვის ხელმისაწვდომი გახადა არაერთი ნივთი, მათ შორის სათამაშო, მაგრამ  წლების შემდეგ საპირწონედ ეკოლოგია მოგვევლინა. შესაბამისად, გაჩნდა მოთხოვნა და საჭიროება ეკოლოგიურად სუფთა სათამაშოების დამზადებისა და კომპანიებმაც მეტ-ნაკლებად ფეხი აუწყვეს ამ ახალ ტენდენციას.

ეკოლოგიურად სუფთა ხის სათამაშოები

როცა ჩვენი გონება ეკოლოგიურად სუფთა სათამაშოზე ფიქრობს, უპირველეს ყოვლისა ტვინი ზედაპირზე ხის სათამაშოს ატივტივებს.

და აი, ასე - დავიწყებული პინოქიოები ისევ გაცოცხლდნენ, ათეული წლის წინ პლასტმასის სათამაშოებმა რომ ჩააჩოჩეს, მერე კი სულ გააქრეს მაღაზიების თაროებიდან. დღითიდღე მოდური ხდება ხის სათამაშოების წარმოება. ბევრი სოციალური საწარმო თუ მცირე ბიზნესი ფოკუსირდა ამ კუთხით. ასორტიმენტიც მრავალფეროვანია - ხის ფაზლები,  მანქანები, მატარებლები, გეომეტრიული ფიგურები, კუბები  და ა.შ.

მართალია, ხის სათამაშოების წარმოება მასობრივ ხასიათს ვერ მიიღებს და სრულად ვერ გამოდევნის პლასტმასის სათამაშოებს, მათი სხვადასხვა მახასიათებლის, სპეციფიკისა და დანიშნულების გამო. ამასთან,  პლასტმასის მასალა უფრო მარტივად გადამუშავდება სასურველი ფორმის მისაღებად, თან შედარებით იაფია, ამიტომ მისი წარმოებიდან ამოღება არარეალურია, თუმცა რაოდენობის შემცირება შესაძლებელია.

ისიც ცნობილია, რომ ხის სათამაშოების დამზადება ვერ გამოიწვევს ტყის მასობრივ გაჩეხვას, რადგან ხის მცირე დეტალებია საჭირო სათამაშოს დასამზადებლად, ამასთან, შესაძლებელია მეორეული მასალის გამოყენება. ასე რომ,  ხის სათამაშოებზე მოთხოვნის გაზრდით, რაც მიწოდებასაც გაზრდის, ნარჩენების რაოდენობა შემცირდება და არცერთ შემთხვევაში არ აღმოვჩნდებით ეკოლოგიური კატასტროფის წინაშე. 

ბავშვის  ხის სათამაშოები

 როცა ეკოლოგიურად სუფთა სათამაშოს ვახსენებთ, ვგულისხმობთ არამხოლოდ ისეთი მასალის გამოყენებას სათამაშოს შექმნისას, რომელიც  გარემოს არ დააბინძურებს, არამედ ისეთის, რომელიც ჯანმრთელობისთვის უსახფრთო იქნება. ეს ბოლო პუნქტი განსაკუთრებით მნიშვნელოვანია, რადგან სათამაშოს ძირითადი მომხმარებლები ბავშვები არიან. მაშინ, როდესაც ისინი დღის უმეტეს ნაწილს თამაშში ატარებენ, მათგან უმეტესობა კი არა მხოლოდ ხელით ეხება სათამაშოს, არამედ პირში იდებს. ამასთან, ხელით, რომლითაც სათამაშო ეჭირათ, შემდეგ სხეულის სხვა ნაწილებს ეხებიან. შესაბამისად, უსაფრთხო მასალის გამოყენება აუცილებელია, რათა თავიდან ავიცილოთ სხვადასხვა დაავადება. სწორედ ხის სათამაშოები გვევლინება ამ პრობლემის გადაჭრის ერთ-ერთ მთავარ გზად. ხისგან უამრავი სახის სათამაშოს გამოთლაა შესაძლებელი, რომელსაც  გასართობის გარდა  და შემეცნებითი ფუნქციაც აქვს.

ხის სათამაშოები მშობლების სიმშვიდის გარანტია, რადგან იციან, რომ ბავშვების ორგანიზმში ჯანმრთელობისთვის საშიში ნივთიერებები არ მოხვდება. ამასთან, გარემოს არ აბინძურებს, გამძლეობითაც გამოირჩევა, ადვილად არ ზიანდება, არ იმსხვრევა, შესაბამისად, მშობელიც ბედნიერია, ბავშვიც და დედამიწაც.  

ხის სათამაშოების მაღაზია

 დღითიდღე იზრდება მოთხოვნა ეკოლოგიურად სუფთა ხის სათამაშოებზე, შესაბამისად, ხის სათამაშოების მაღაზიების რაოდენობაც მატულობს. ისინი სხვადასხვა სახის პროდუქციას სთავაზობენ მომხმარებელს. liloshop არის ონლაინ მაღაზია, სადაც სახლიდან გაუსვლელად, რამდენიმე მარტივი ოპერაციის შესრულებით შეგიძლიათ იყიდოთ ხის სათამაშო თქვენი, თქვენი მეგობრის, მეზობლის ბავშვებისთვის. ჩვენთან არჩევანიც ფართოა: ხის ფაზლები, ასაწყობი კოშკი, დაფები, გეომერტიული ფიგურები, ხის მანქანები და მატალებლები... პროდუქციის შეძენა შესაძლებელია, როგორც ნაღდი ანგარიშსწორებით კურიერთან, ასევე Visa/Mastercard-ის ბარათის საშუალებით, განვადებით ან საბანკო გადარიცხვით. ფასი და პროდუქციის ხარისხი სრულ შესაბამისობაშია.